أعلنت الفنانة شيرين عبد الوهاب، مفاجأة كبيرة لمحبيها، بعد عودتها للفنان حسام حبيب من جديد، مؤكدة: “كتبنا الكتاب النهاردة”.
ورداً على سؤال عمرو أديب “مين صاحب فكرة العودة؟” عبر برنامجه، أجابت شيرين عبد الوهاب: “حسام صاحب الفكرة، وهو اللي اقنعني واتكلمنا والحمدلله رجعنا”.
كما انتشر مقطع فيديو عبر مواقع التواصل الاجتماعي، يظهر لحظة عقد القران مجدداً لحسام حبيب على الفنانة شرين.
دخولها المستشفى
وأوضحت: “إحنا كنا في موال كبير، وكان معملونا حاجة أنا وحسام وقصة كبيرة كنا فيها. وكان مفروض نكتب الكتاب يوم السبت اللي فات”.
وخرجت الفنانة شيرين عبد الوهاب عن صمتها بعد أزمتها الأخيرة، حيث كشفت تفاصيل دخولها المستشفى للعلاج من الإدمان. كما كشفت حقيقة الأخبار التي تم تداولها بشأن عودتها لحسام حبيب مجدداً.
كما طمأنت جمهورها في بداية المكالمة، قائلة: “أنا زي البمب وحلوة خالص، في حد يبقى بيحبه ناس كتير كدة وشعوب. وأنا سعيدة بيكم وبدفى بيكم”.
وتابعت شيرين: “أنا كويسة جداً ولسه باخد العلاج النفسي، اللي كنت باخده من ساعة ما خلفت مريم وهنا”.
وقالت أيضا: “الحمدلله وباين من صوتي. وممتنة جداً للناس، انتوا تعبتوا فيا وتعبتوا عشان عمري ما هخذلكم أبداً. وشكراً لكل اللي قال كلمة حلوة، وحتى اللي قال كلمة وحشة، واللي قال كلمة وحشة أكيد عشان خايف عليا، وشكرًا إنك افتكرتني وخوفت عليا”.
اقرأ أيضاً:
شيرين تشكر شقيقها
وحول تنازلها عن قضيتها ضد شقيقها، صرحت شيرين: “أنا بشكر محمد سيد عبدالوهاب إن هو عرفني بالمستشفى. والناس المحترمين دول اللي هما راعوني أحسن حاجة في الدنيا. وعلموني أنام بدري وأصحى بدري، ودلوقتي أنا بصحى الساعة 9 وأقعد في الشمس والحياة بقت لذيذة، وأنا بشكر صحافة بلدي وصحافة الوطن العربي”.
وأضافت الفنانة المصرية: “أنا هتنازل عن أي حاجة عملتها ضد محمد سيد عبدالوهاب، لأني مش هقدر وأنا بخف لما بسامح كل الناس، وأنا مقدرش أخلي أمي تبات يوم واحد بتبكي على مخدتها علشان ابنها وبنتها. وأنا بتنازل عن حقي والحمدلله إن ده حصلي، يمكن كان هيحصلي حاجة وده خير ليا”.
دقيقة – يوغياكارتا
