احتفالاً بنجاح أول ديو لهما تم تقديمه في حفل “ليلة الدموع” وجه المطرب تامر عاشور رسالة مؤثرة إلى الفنان أحمد سعد مشيدًا بموهبته؛ أكد فيها أن سعد يغني أفضل من أي فنان آخر، ويملك قدرات فنية وإنسانية خاصة، ورد سعد على الرسالة كاشفاً عن تأثره لحد البكاء.
وكتب تامر عاشور عبر حسابه بموقع إنستغرام: أحمد سعد بيغني أحسن من أي حد وينافس ويثابر ويبذل مجهود ويتحدى ويفرض نَفسه وذوقه وفنّه في كل مرة لحد ما يوصل للي عايزه ويرضيه ومش أي حاجة ترضي فنان بقدرات وفن الراجل ده.
View this post on Instagram
وأضاف تامر عاشور: كل ده حصل وبجدارة وتفوق وبيحصل وهيحصل كتير، ولو اتكلمت عن أحمد سعد الجدع اللي يا ريت كل الناس تبقى عندها نيته وقلبه الأبيض اللي ميختلفش عليه اتنين وناس كتير معاشرينه وعارفين ده..كلامي مش هيوفّيه حقه.
واختتم تامر قائلًا: أنا بحبك وبحترمك وبحترم مشوارك ونجاحك يا صديقي، فوق الوصف وافتخر بيك ربنا يزيدك ويبعد عنك كل شر.
اقرأ أيضا:
ورد أحمد سعد على رسالة تامر عاشور قائلا: يالهووووي انا هعيط والله من الكلام الجميل ده. هحبك اكتر من كده ايه حرام عليك انا بقيت توب فان ربنا يكرمك اكتر واكتر يا حبيبي شكرا.
كما شارك تامر عاشور وأحمد سعد في حفل ليلة الدموع، الذي أقيم في مدينة جدة بالمملكة العربية السعودية. ونظمته الهيئة العامة للترفيه برئاسة المستشار تركي آل الشيخ على مسرح بنش مارك. وشارك فيه مجموعة من الفنانين أيضا منهم طارق الشيخ، حمادة هلال، هيثم شاكر، مسلم. كما قدم الفنانون مجموعة من أغانيهم الحزينة التي بدأوا بها مسيرتهم ليستعيد الجمهور العربي معهم نوستالجيا موسيقى التسعينيات.
دقيقة – مريم عبد الوهاب
